БАНКРОТТЫҚ ЖАРИЯЛАУ – несиені кешіру емес
Еліміз өз алдына тәуелсіздік алған отыз екі жыл ішінде әлеуметтік жағдайымыз едәуір жақсарғаны жалған емес. Алайда «медальдың екі жағы бар» дегендей, осы сөздің астарына тереңірек үңіліп қарасақ, біздің ойымыз бұдан былай басқаша өрбейтініне таң қалуға болмас. Сөйтсек, көпшілігіміз отыз екі жыл бойы банктерге қарыздар болып келіппіз ғой. Былайша айтқанда, есепсіз несиені үсті-үстіне банкіден ала беріппіз. Оның соңы, несие алушыларды қиын жағдайға қалдырды.
ЖЫЛЫОЙҒА ҰШАҚ ҰША МА?
Дәл қашан екенін ұмыттым, бірақ бұдан біраз бұрын облыстық теледидар жүгіртпе жол арқылы Атырау-Құлсары әуе жолы ашылатынын хабарлап жатты. Таң қалдым. Ау, ауданда ұшақ қонатын орын да жоқ қой. Ескі әуежайдың орнына тұрғындар әлдеқашан үй салып тастаған. Әлде жаңасын тұрғызды ма? Оны қалай білмей қалғанбыз?
