ХАЛЫҚ ҚАЛАУЫ – КӨПШІЛІК ҚОЛДАУЫ

Президент Қасым-Жомарт Тоқаев айтқанындай, республикада екі жылдан аса уақыт ауыл әкімдерін сайлау сәтті жүргізіліп келеді. Содан бері селолық округтер басшыларының төрттен үші жұртшылықтың сенімін арқалап, лауазымға ие болды.

Гендер және БАҚ: әйелдерге қатысты зорлық-зомбылық тақырыбы қалай жазылуы керек?

Қоғамдық мүддеге қызмет ететін журналистика әйелдер мен қыздарға қатысты зорлық-зомбылыққа қарсы күресте маңызды тетік болып саналады. Соңғы бірнеше жылда әлемнің көп бөлігінде жағдай жақсарғанымен, гендерлік зорлық-зомбылық мәселесі әлі күн тәртібінен түскен жоқ. ІІМ мәліметінше, 2021 жылы елімізде отбасылық жанжал кезінде 50-ге жуық әйел қаза тауып, 300-ден астамы ауыр жарақат алған. Осы тұста бұл проблема отандық БАҚ-та қалай көрініс тауып жүр деген сұрақ туындайды. Көптеген сарапшы әйелдер мен қыздарға қатысты зорлық-зомбылық жарияланған күннің өзінде көбіне «отбасылық іс» не «жеке мәселе» ретінде сипатталады. Я болмаса өміріне қауіп төндіретін проблема ретінде көрсетілмейді, керісінше қоғамның қызығушылығын тудыру мақсатында жасалатынын айтады.

ҰБТ: ҰТЫС ПЕН ҰТЫЛЫС

Міне, тағы бір оқу жылы мәреге жетті. Биыл 5683 түлек – 11, ал 11789 оқушы 9 сыныпты тәмамдайды екен. Әзірге 167 мектеп бітіруші «Алтын белгіден», тағы 247 жас «Ерекше үлгідегі аттестаттан» үміткер. Рас, бұл марапаттарды иелену үшін бірыңғай ұлттық тестілеуден сүрінбей өту керек. Ал, бұл – шәкірт пен ұстазға ғана емес, ата-анаға да сын.

БАСТЫ БАҒЫТ – КАСПИЙ

Ресей-Украина қақтығысынан соң КТК жүйесімен сыртқа шикізат тасымалдау қиынға айналды. АҚШ пен Еуродақтың солтүстік көршімізге салып жатқан санкциясы өз алдына, аталмыш құбыр жұмысы жиі кідіріске ұшырайтын болды. Бұл туралы сәл кейінірек, әйтсе де экономикасы көмірсутегі қоры саудасына құрылған ел үшін экспорттан қол үзу – жеңіл шаруа емес. Сондықтан, оны әртараптандыру мәселесі бұрын да көтеріліп келген. Соны шындап қолға алатын кез енді туды.