Поэзия

Қуанышев Абылайхан Асылбекұлы 1998 жылы БҚО, Ақжайық ауданы, Тайпақ ауылында дүниеге келген. Әл-Фараби атындағы ҚазҰУ-дің түлегі. Бірнеше республикалық мүшәйралардың жеңімпазы. «Мен жастарға сенемін» форумының лауреаты, «Алматы қаласы ақындары» мүшәйрасының бас жүлдегері. Өлеңдері республикалық газет-журналдарда жарық көрді. «Құм құшағындағы қарғыс», «Түртпек», «Шекспир» сынды прозалық шығармалары да жарық көрген. Қазіргі таңда М.Өтемісұлы атындағы БҚУ-дың магистранты.

Исламғали Аманжол Рахымжанұлы — 2000 жылы 24 шілдеде Ақтөбе облысы, Шалқар ауданында дүниеге келіп, Мұғалжар ауданы Қандыағаш қаласында өскен. М. Өтемісов атындағы Батыс Қазақстан Мемлекеттік университетінің студенті.

Аманжолов Әнуар Ғалымжанұлы — 1997 жылы 15 — мамыр күні Батыс Қазақстан облысы, Ақжайық ауданы, Тайпақ ауылында дүниеге келген. М.Өтемісов атындағы БҚМУ филология факультетінің түлегі. Бүгінгі таңда «Тайпақ мектеп — гимназиясы» КММ қазақ тілі мен әдебиеті пәнінің мұғалімі болып қызмет атқарады.

Нұртілеу ҚАДЫРҚҰЛ – Батыс Қазақстан облысы Жаңақала ауданы Мәстексай ауылында дүниеге келген. М.Өтемісов атындағы Батыс Қазақстан мемлекеттік университеті «Филология» факультетінің 3 курс студенті. Республикалық VІІ «Мен жастарға сенемін!» жастар форумы «Поэзия» аталымының Гран-При, «Дүниеге келер әлі талай Қасым…» атты Республикалық мүйшәрада Сырбай Мәуленов атындағы арнайы жүлде иегері.

Жанерке Мерекеқызы Ғинаят 1996 жылы 24 ақпанда Батыс Қазақстан облысы Орал қаласында дүниеге келген. М.Өтемісов атындағы БҚУ-дың филология факультетінің түлегі. Қазіргі таңда «Жайық Пресс» медиахолдингінің әкімшілік бөлімінде корректор қызметін атқаруда.