АТЫРАУ ӨҢІРІНДЕГІ РЕПРЕССИЯ ҚҰРБАНДАРЫ
Архив құжаттарына негізделіп, ресми дереккөздерінен алынған ақпараттарға сүйенсек, Атырау облысынан 11 мыңнан астам адам репрессия құрбаны болған. Оның 800-ге жуығы ату жазасына кесілген. 2000 мың адам бас бостандығынан айырылып, 300-дейі жер аударылған. Жазықсыз жала құрбандарын ақтап, олардың ешқандай «халық жауы» болмағанын, кінәсі жоқтығын дәлелдеу, адам атын қалпына келтіру — бүгінгі ұрпақтың парызы, азаматтық борышы.
ГЕРА СЫНЫПТАСЫМ ЕДІ
Бізге жиен аға болып келетін белгілі театр актері, мәдениет қайраткері Махмұтов Қайыржан ағамыздың өмірден өткенінің жыл толу қадесі алдында жұбайым Мәншүк екеуміз ағамыздың үйіне бара қалдық. Кәмеш жеңгей, қызы Роза, жиені Венера және бұрын біз көрмеген егде тартқан бір ақсақал мен кемпір отыр. Сәлем-сауқат сұрасып, бейтаныс қонақтармен таныстық.
