Республикалық «Учаске» жедел профилактикалық алдын алу іс-шарасы  барысында Атыраулық полицейлер  облыс тұрғындарының мекен жайларынан иеліктеріндегі  қаруларын тексеруде.
Аталмыш шара барысында полиция қызметкерлері  облыстағы 6804 қару иелерінің,  4455-ін тексерді.
Учаскелік инспекторлар азаматтық қаруды сақтау және алып жүру ережелеріне қатысты 148 бұзушылықтарды анықтады. Қару сақтау ережелерін бұзғандардың 53-і ҚР ӘҚБтК 484 бабымен, 95-і ӘҚБтК 486 бабымен әкімшілік жауапкершілікке тартылды.
Әкімшілік құқықбұзушылықтар үшін  барлығы 105 қару, оның ішінде  заңсыз сақталған 13 қару тәркіленді.
Шара барысында, Индер аудандық полиция қызметкерлерімен 279 қару иесі тексерілді.Аудан орталығының 62 жастағы тұрғынына  қатысты ҚР ӘҚБтК 484 бабының 1 бөлігімен әкімшілік хаттама толтырылып, айыппұл салынды. Заңсыз қару сақтаған Елтай ауылының тұрғынына ҚР ӘҚБтК 482 бабымен әкімшілік хаттама толтырылып, аудандық сотқа жолданды. 
Қыстақтарды аралау барысында Қызылқоға ауданының Тайсойған ауылдық огругіне қарасты шаруа қожалықтарының бірінің 34 жастағы иесінен құжаттары жоқ, ІІО тіркелмеген, заңсыз сақтаудағы 16мм калибрлі азаматтық қаруы табылып, тәркіленді. Аталған аймақтағы тағы бір қожалықтың  25 жастағы иесінің үйінен  ешқандай құжаттары жоқ, ІІО-мен тіркелмеген, заңсыз сақтаудағы 16-калибрлі азаматтық қару табылып, алынды.
«Учаске»  жедел іс шарасы 1 желтоқсанға дейін жалғасуда.

Добавить комментарий

Ваш адрес email не будет опубликован. Обязательные поля помечены *