қазақ

Бұл арғы-бергі тарихқа қалам сілтеуге себеп болған әріптес ініміз Жанай Амантурлиннің сонау соғыс жылдары және одан кейінгі кезеңдегі түрлі бәйгелерге қатынасып, жасындай жарқылдаған «Есболдың жирені», «Әйгілі Жиреннің ақыры, немесе тоқсандағы шабандозбен әңгіме» атты мақалалары түрткі болды.

Өмір – өзен. Уақыт – ағын. Су секілді уысыңда тұрмайды, тоқтаусыз ағып, байқатпай өтіп жатады. Қорқыт бабадан жеткен: «Өткен күн, кеше – тарих, Келер күн, ертең – сыр, Бүгінгі күн – сый екенін ескерсек, тарлан тарихқа ден қойғанымыз жөн. Тарихын білмеген халық тілінен айырылады, ал тілінен айырылған халық тобырға айналады. «Өткенді білу – өскеннің белгісі, өткенді ұмыту – өшкеннің белгісі» — деп халқымыз бекер айтпаған. Сондықтан бәріміз: «Біз шала халықтың емес, дана халықтың ұрпағымыз» деген сөзді ұлттық ұранға айналдыруымыз қажет.