Еліміздегі Кәсіподақтар федерациясы – жұмыс берушілер мен еңбеккерлер арасында басты медиатор, қоғамдағы ірі және қуатты азаматтық институттардың бірі. Атырау облысы Кәсіподақтар бірлестігінің қызметі жұмысшы-қызметкерлердің құқықтары мен мүдделерін қорғауға, өндіріс шарттарын жақсартуға, еңбек дауларын реттеуге бағытталғандығын көпшілік жақсы біледі.
Осыдан он төрт ай бұрын 2021 жылдың қарашасында Өзбекстан астанасы – Ташкентте Орталық Азия елдерінің кәсіподақтары кеңесі (ОАЕКК) құрылған болатын. Қазақстан, Тәжікстан және Өзбекстан ұлттық кәсіподақ орталықтарының бірлескен бастамасымен құрылған осынау кеңестің мақсаты – еңбеккерлердің әлеуметтік-еңбек, кәсіптік, экономикалық және өзге де заңды құқықтары мен мүдделерін, сондай-ақ, кәсіподақтардың құқықтары мен кепілдіктерін қорғау бойынша Орталық Азия елдерінің кәсіподақтары кеңесі мүшелерінің іс-әрекеттерін біріктіру болатын.
Қазақстан Республикасы Кәсіподақтар Федерациясының төрағасы Сатыбалды Даулеталин бастаған топ 9-10 наурызда жұмыс сапарымен Атырау облысына табан тіреді. Салалық кәсіподақ төрағаларымен кездесіп, мекемелерді аралады. 10 наурызда мәдениет пен спорт мекемелері басшыларымен кездесіп, саладағы қордаланған өзекті мәселелерді тыңдады. Облыстық денешынықтыру және спорт басқарма басшысының міндетін атқарушы Нұржауған Төлеуова саладағы бірқатар мәселерді баяндады. Өңірге қарасты Қызылқоға, Махамбет, Исатай, Мақат, Индер аудандарының спорт бөлімдері мәдениет және білім бөлімдерімен біріктірілген. Бұндай қадамдар нәтижесі спортқа жеткілікті деңгейде көңіл бөлінбей қалу қауіпін туғызуда.
Атырау облысына сапары барысында ҚР Кәсіподақтар федерациясының төрағасы Сатыбалды Дәулеталин және Атырау облысы Кәсіподақтар орталығының төрағасы, мәслихат депутаты Ізтұрған Баймұханов «Жайықмұнайгаз» мұнай-газ өндіру басқармасының жеті мұнай кен орнының бірі – Салтанат Балғымбаев кен орнына барды. Онда өндірістік толық цикл үдерісі, әлеуметтік әріптестіктің дамуы, ұжымдық шарттың орындалуы барысымен танысып, жұмыс беруші және кәсіпорын жұмыскерілермен сөйлесті.
9-10 наурызда ҚР Кәсіподақтар федерациясының төрағасы Сатыбалды Дәулеталин Атырау облысына жұмыс сапарымен барды. Сапар барысында ҚР КФ басшысы бірқатар әлеуметтік әріптестермен кездесу өткізді. Талқыланған басты тақырыптар – жалақы берешегі, оны көтеру мәселесін шешу, еңбек дауларының алдын алу және өңірдегі әлеуметтік әріптестік жүйесін ары қарай дамыту.
ҚР КФ төрағасы сапарының алғашқы күні әлеуметтік әріптестік және әлеуметтік-еңбек қатынастарын реттеу жөніндегі үшжақты комиссияның жұмысшы тобының отырысына қатысты. Отырысқа облыс әкімдігі мен жұмыс беруші 12 кәсіпорынның өкілдері қатысты. Кәсіпорындардың басым бөлігі еңбек даулары қатері картасына енгізілген.
