Былтырғы тарланбоз шайыр Мұхтар Шахановты қарсы алған самал ескен қоңыр күзден соң, тағы да Қаройға барудың сәті түскені.
Жолбасшымыз-Индер ауданының құрметті азаматы-Молдабай Берғалиев аға.
Бұл Қарой-қазақтың маңдайына біткен Ғабит Мүсірепов,Тайыр Жароков,Қажым Жұмалиев,Мұхамеджан Қаратаев,Әбіш Кекілбаев,Фариза Оңғарсынова,Нұрғиса Тілендиев секілді талай-талай марғасқа асыл ұл –қыздарының табаны тиген жер.
Бала күнімізден санамызда қалғаны – әке, шешеміз, олармен қатарластар, тіпті күллі Нұржаудың еңбектеген баласы, еңкейген кәрісі ол десе, ішкен асын жерге қойып, ол жайлы даңқ пен дақпыртқа рахаттана құлақ асады. Мәйтен Матыбаев турасында өздері де білгенін айтып қалуға құштар. Айтқанда шайын ұрттап отырып құлықсыз ауыздарын сылп еткізбейді, жеріне жеткізіп, қоясына қондырып, тұздығын молынан қосып айтады. Әрісін айтпағанда Нұржау, Орлы бойының тұрғындары осы бір Мәйтен деген азамат ауызға іліксе, мейманасы тасиды. Әнтек әңгімеге араласып, ол жайында айтып қалуға көңілдері құштар. Тіпті менің әкем де ақкөңілдігіне салынып, жанары жасаурайтын. Дүйім елді аузына қаратардай ол соншалықты жұрттың бәріне не істеп қойыпты?
2018 жылдың 8-і Тамызында Ресей құрамындағы Оңтүстік Осетия халқы Грузия басқыншылығынан құтқарылды. Әрине, алып Ресейдің қуатты қарулы күштерінің арқасында. Аз қан төгілмеген осы жойқын соғыста көп ұлтты халықтардан тұратын Ресей армиясының құрамындағы он сегіз жасқа енді толып үлгерген талдай солқылдаған боздақтар Отан әмірін орындап ұлы ерліктер жасады, қыршын кеткендері қанша ма? Соғыстың аты, соғыс! Ешқандай рахымшылық күтуге келмейді.
