Намыс қайда,жігіттер, намыс қайда?!

«…Тәуелсіздікті дәріптеп жатырмыз. Жылда дәріптейміз. Телеарна,радио,газет-журнал,сайт атаулы бірі қалмай сапта тұрады,қарайсың да,өзгерген ештеңе жоқ екенін көріп, «е, дүние орнында екен ғой» деп тәубе жасайсың… «Бабаларымның қанымен келген,аруларымның арымен келген…» деп ақындар күшенеді; «Қазақ болып тумағанда, не етер ем!» деп әншілер бөседі… Осы бір жаттанды,жадағай идеология Тәуелсіздік алған тұста дүниені алғаш түйсінген бір буынды есейтті. Немқұрайды,ештеңеге сенбейтін,тіршілік қамытын мойнына іліп алып,көптің ішінде сөлбірейіп жүретін де қоятын құр сүлдер буынға қазір бәрібір.Бұл буын бесікте жатқанда қылшылдап тұрған,өзінше еркіндік келді деп қуанған,жаңа билік күш алып кеткенше қолтығынан демеген, кейін аздап қарсылық көрсеткен,болмағасын «келісуге» мәжбүр болған алдыңғы толқын да сүлесоқ. Кейінгі университет пен мектеп қабырғасындағы оқушылар да біздің ізімізді басып келеді,өзгерген ештеңе жоқ…»